}); شیخ علی حسن حلبی کی کتاب (طليعة التبيين ) کا تعارف – ابن حنبل انٹرنیشنل
منہج

شیخ علی حسن حلبی کی کتاب (طليعة التبيين ) کا تعارف

از حافظ خضر حیات مدنی حفظہ اللہ

شیخ علی حسن حلبی حفظہ اللہ علمی حلقوں میں کسی تعارف کے محتاج نہیں ہیں ، شیخ البانی رحمہ اللہ کے مشہور تلامذہ میں شمار ہوتے ہیں ، اب تک مختلف موضوعات پر درجنوں کتب تصنیف و تالیف فرماچکے ہیں ، برصغیر کے اہل علم سے بھی ان کا خصوصی تعلق ہے ، گذشتہ سال انڈیا میں شیخ عبد المعید مدنی حفظہ اللہ کے زیر سرپرستی جمعیت اہل حدیث کی طرف سے شیخ الکل سید نذیر حسین رحمہ اللہ کی حیات و خدمات پر ایک ندوہ کا انعقاد ہوا ، جس میں بذریعہ ویڈیو پیغام شیخ حلبی نے بھی شرکت کی ، اور شیخ الکل کی خدمت میں نذرانہ عقیدت پیش فرمایا ۔
شیخ رحمہ اللہ کی کتابوں سےمیرا تعارف ان کے محدث ہونے کی بنا پر ہے ، لیکن انہوں نے منہج ، عقیدہ و دیگر موضوعات پر بھی بہت کچھ لکھا ہے ، اس وقت شیخ کی کتاب ’ طلیعۃ التبیین ‘ کے حوالے سےکچھ تعارفی باتیں کرنے کا اراد ہ ہے ۔

کتاب کا نام او ر موضوع :
کتاب کا مکمل نام کچھ اس طرح ہے : طليعة التبيين في ثبوت وحدة المنهج النقدي عند عموم المحدثين ، و نقد مسالك المفرقين بين منهج علمائنا المتقدمين و المتأخرين ۔ گویا ’طلیعہ ‘شیخ کی ایک دوسری مفصل کتاب “التبيين ” کا مقدمہ ، ابتدائیہ اور اختصار ہے ، جس میں منہج محدثین کی وحدت کا بیان ہے ، اور متقدمین و متاخرین میں منہجی فرق کی سوچ رکھنے والوں کے افکار پر تنقید کی گئی ہے ۔
یہاں لفظ ’ طلیعہ ‘ پر تھوڑی توجہ کرلیں ، طلیعہ لشکر کے ہراول دستے کو کہتے ہیں ،جو مخالف سمت کا سب سےپہلے سامنا کرتا ہے، اور بعد والوں کو صورت حال سے آگاہ کرتا ہے ۔ متقدمین و متاخرین کے درمیان تفریقی سوچ کے رد پر شیخ کی یہ پہلی کتاب ہے ، اور اس سے گویا وہ طرف ثانی کو مزید کریدنا چاہتے ہیں ، کہ ان کے پاس مزید کیا ہے ، تاکہ آئندہ تفصیلی کتاب میں وہ سب بحثیں سمو دی جائیں ۔
اس سے قبل شیخ معلمی بھی اپنی کتاب ’ التنکیل بما فی تانیب الکوثری من الأباطیل ‘ سے پہلے ’ طلیعۃ التنکیل ‘ کو نشر کرکے یہ انداز اختیار کر چکے ہیں ، گو اب طلیعۃ اور تنکیل دونوں اکٹھی ہی مطبوع ہوتی ہیں ۔

تمہیدی مباحث :
’ مداخل علمیہ ‘ کے عنوان سے کتاب کی ابتدا کچھ تمہیدی مباحث سے کی گئی ہے ، جس میں اس تفریقی سوچ کی سطحیت کا ذکر ہے اور اس کے نتائج کی طرف اشارہ ہے ۔ یہ بھی وضاحت کرتے ہیں کہ کتاب کا اسلوب ِ رد ہلکا سے ہلکا رکھنے کی کوشش کی گئی ہے، لفظی اعتراضات اور ظاہری ایرادات میں الجھنے کی بجائے ، سیاق و سباق اور مقصدِ کلام مد نظر رکھتے ہوئے تبصرہ کیا گیا ہے ۔ کتاب کے مطالعہ سے اندازہ ہوتا ہے کہ لطافتِ اسلوب سے متعلق مصنف نے جو وعدہ کیا ہے ، کافی حد تک اس کے پابند رہے ہیں ، بلکہ جب بھی کسی بڑے چھوٹے عالمِ دین کا ذکر کرتے ہیں ، عموما ’ الشیخ ‘ ، ’الدکتور ‘ ، الفضیلۃ ‘ جیسے سابقے اور ’ وفقہ اللہ ‘ ، ’ سددہ اللہ‘ جیسے دعائیہ کلمات کا التزام کرتے ہیں ۔ بعض جگہ پر اسلوب میں کچھ سختی ہے ، جس کی وجہ بھی شروع میں ہی بیان کر چکے ہیں ۔ شیخ نے کتاب میں فریق ثانی کی طرف سے بہ کثرت نقولات ذکر کی ہیں ، حتی کہ مطبوعہ کتابوں سے ہٹ کر انٹرنیٹ اور سوشل میڈیا پر ہونے والی بحثوں کے اقتباسات تک موجود ہیں ، اس طرزعمل کی توجیہ کے طور پر انہوں نے چار نکات بیان کیے ہیں :
1۔ تاکہ ان کے اقوال انہیں کے لیے الزامی طور پر پیش کیے جائیں ۔
2۔ اس تفریقی سوچ کے قائلین کا تناقض و تعارض واضح ہو ۔
3۔ اس منہج کے قائلین کے نظریات اور تطبیقات میں موجود خلا سامنے آئے ۔
4۔ قارئین کتاب کو اندازہ ہو کہ ہم ان لوگوں کے افکار سے تفصیلی طور پر واقف ہیں ، اور اس طبقے کی علمی و تحقیقی کاوشوں سے ہم ان میں سےبھی بعض لوگوں سے زیادہ باخبر ہیں ۔

  1. اصلی مباحث :
    کتاب کو ابواب ، فصول یا مین اور ذیلی سرخیوں میں تقسیم کرنے کی بجائے کچھ عناوین کے تحت تقسیم کیا گیا ہے ، اور ان تمام عناوین کو ایک مسلسل نمبرنگ دے دی گئی ہے ، یوں کتاب میں تمہیدی مباحث کو شمار کرکے آخر تک تقریبا چالیس سے زائد اہم عناوین کی ایک لڑی پرو دی گئی ہے ۔
    ابتدا میں کچھ مستقل عناوین کے تحت خیر القرون کی فضیلت ، متقدمین علما کی علوشان کا ذکر ہے ، پھر اس حقیقت کا بیان ہے کہ ’ الفضل للمتقدم ‘ اور ’ کم ترک الأول للآخر ‘ جیسے حقائق ایک دوسرے سے متعارض نہیں بلکہ متناسق ہیں ۔ کتب تاریخ و تراجم سے کئی ایک مثالیں ذکر کی گئی ہیں کہ کس طرح علماء کرام ایک دوسرے سے علمی بنیادوں پر اختلاف رکھتے تھے ، اور اصغر و اکبر کی تفریق کے بغیر حق بات کی طرف رجوع کرلیا کرتے تھے ۔
    منہج متقدمین و متاخرین میں تفریقی سوچ رکھنے والے اہل علم میں اس منہج کی تأصیل و تعریف میں شدید اختلاف ہے ، بلکہ بعض دفعہ ایک ہی مصنف ایک ہی کتاب میں متعارض باتیں کرتے پائے گئے ہیں۔ کتاب میں یہ ساری باتیں قدرے تفصیل سے آگئی ہیں ۔ چیدہ چیدہ عناوین کو اردو میں ذکر کرتا ہوں ، تاکہ کتاب کے تعارف میں ممد و معاون ثابت ہوسکیں :تفریقی دعوی کی سلبیات ۔متاخرین کے منہج سے اختلاف کرنے والے در حقیقت ان کی ہی علمی کاوشوں کے اسیر ہیں ۔مزعومہ منہجی تاصیل کا لازمی نتیجہ ہے کہ بعض کبار متقدمین کو متاخرین میں شمار کیا جائے ۔ تفریقی سوچ رکھنے والوں کے ہاں اصلِ دعوی میں اضطرابات کے کچھ نمونے۔ اتفاق و اجماع متقدمین کا دعوی اور اس کی حقیقت ۔ تفریقی سوچ متاخرین و معاصرین علماء کی بات کو رد کرنے کا ایک سطحی بہانہ اور غیر علمی انداز ہے ۔ مسائلِ عقیدہ اور منہجِ محدثین ۔ محدثین کے ہاں حکم علی الأحادیث کا انداز ۔تفریقی سوچ کا مقصد اتفاق ہےیامزید انتشار و افتراق ۔ علمی پختگی اور تفریقی سوچ ۔ علما متقدمین ہوں یا متاخرین ، سب لائق ادب و احترام ہیں ۔ احادیث کی تصحیح و تضعیف اور رواۃ کی تجریح و تعدیل میں فرق ۔
    سب سے آخری عنوان میں شیخ نے تفریقی سوچ رکھنے والوں کے اسلوب اور طرز استدلال میں پائی جانے والی خامیوں کو پانچ نکات میں ذکر کیا ہے ، جنہیں اختصار کے ساتھ یہاں ذکر کردیا جاتا ہے :
    1۔ علمی قصور : ان اصحاب کا دعوی سبر و تفتیش اور استقراء تام کا ہوتا ہے ، جبکہ حقیقت میں متاخرین سے ان کا اختلاف ان کے علمی قصور کا نتیجہ ہے ۔
    2۔ تشکیک :جب ان کے استدلالات اور تاصیلات کے خلاف ان کے کسی من پسند امام کی بات آرہی ہو ، تو اس قول کی صحت ، یا کتاب کی نسبت میں تشکیک پیدا کرنے کی کوشش کرتے ہیں ۔
    3۔ تشقیق : اگر کسی امام کا قول ، حکم ان کے اختراعی قاعدے سے ٹکرار رہا ہو ، کوئی رد نہ بن پڑے ، تو بلاوجہ کی تفریقات ذکر کرنا شروع کردیتے ہیں ، مثلا یہ کہ فلاں بات حدیثی نقطہ نظر سےتو اسی طرح ہے ، جبکہ امام کی بات کا تعلق فقہی حیثیت سے ہے ۔ یا اس بات کا تعلق سند سے ہے ، جبکہ دوسری بات متن کے بارے کہی گئی ہے ۔
    4۔ تأویل : ائمہ کے اقوال کو بلا قرائن اپنی تاویلات کی بھینٹ چڑھانا ، اس طبقے میں عام ہے ۔ مثلا راوی کو ثقہ کہنے سے مراد ’ ضبط ‘ نہیں صرف ’عدالت ‘ ہے وغیرہ ۔
    5۔ تشغیب : دلیل سے خالی شور وغل کرنا ، علمی بات کا علمی جواب کی بجائے ، متاخرین ، معاصرین کے طعنے دے کر بات رد کردینا۔
    کتاب کا ایک حصہ یہیں ختم ہوتا ہے ، جو کہ تقریبا دو سو صفحات کو محیط ہے ۔
    اس کے بعد شیخ کے وطن اردن کے دو دکاترہ کے درمیان ہونے والی سوال و جواب پر مشتمل ایک علمی مجلس کا تفصیلی رد ہے ، چالیس پینتالیس نکات پر مشتمل یہ رد تقریبا ایک سو بیس صفحات پر مشتمل ہے ، جس کا موضوع بھی اول تا آخر منہج محدثین اور تفریقی سوچ ہے ۔

  2. تفریقی منہج کے مشہور مسائل :
    اس مرحلے میں فاضل مصنف ان اہم مسائل کو زیر بحث لائے ہیں ، جو تفریقی سوچ رکھنے والے اہل علم کا پسندیدہ موضوع ہیں ، ’ مسائل و دلائل ‘ کے عنوان کے تحت یہاں تفرد ، زیادت ثقہ ، علت ،حدیث حسن ، تدلیس ، متابعات و شواہد کل چھے مسائل ذکر کیے گئے ہیں، اور مختصر انداز میں ان کے اندر تفریقی سوچ کی غلطی کو واضح کیا گیا ہے ، کہ کسی بھی مسئلہ میں ایسا نہیں ہوا، متقدمین سب ایک طرف ، اور متاخرین ان کے برعکس دوسری طرف ہوں ، جسے بنیاد بناکر تفریقِ منہج کا ڈھول پیٹنا شروع کردیا جائے ۔
    کتاب کے آخر میں دو مشہور معاصر مصری اہل علم شیخ احمد معبد عبد الکریم اور شیخ ابو اسحاق الحوینی کے مقالات منسلک کردیے گئے ہیں ، جنہوں نے انتہائی مختصر ،اور سہل انداز میں اس تفریقی منہج کی غلطی اور تناقض کو واضح کردیا ہے ۔

  3. کتاب کی کچھ خصوصیات :
    1۔ شیخ حلبی ایک بہترین ادیب بھی ہیں ، کتاب ایک بہترین نقد ہونے کے ساتھ عربی نثر کا بھی ایک بہترین نمونہ ہے ۔ نئے نئے الفاظ ،تراکیب اور جملے پڑھنے کو ملیں گے ۔
    2۔ کتب کا انداز مناقشے اور حوار کا ہے ، کتاب کو پڑھنے سے عربی زبان میں ان مسائل کو زیر بحث لانے کی استعداد پیدا ہوتی ہے ۔ بر محل اشعار ، اور ضرب المثل کا اسلوب کتاب میں جا بجا نظر آتا ہے ۔
    3۔ جدید طرز تحریر میں علامات ترقیم کی بہت اہمیت ہے ، شیخ علی حسن الحلبی کی یہ کتاب عنوان سے لیکر لفظ اخیر تک علامات ترقیم سے مزین و مزخرف ہے ، رموز اوقاف کی عملی تطبیق دیکھنےکے لیے شیخ حلبی کی کتابیں بہترین ہیں ۔
    4۔ عربی زبان میں حروفِ جر وغیرہ صِلات کی بہت اہمیت ہے ، شیخ نے علامات ترقیم اور صلات کے ملے جلے استعمال سے عجیب سما ں پیدا کردیا ہے ۔
    5۔ کتاب میں قدیم و جدید کتب کے بہ کثرت حوالے ہیں ، علوم حدیث کا ذوق رکھنے والے کتاب کے مطالعہ کے دوران بیسیوں نئی کتابیں ملتے جلتے موضوعات پر نوٹ کرسکتے ہیں ۔ بلکہ کئی ایک ایسے علماء ، طلابِ علم اور باحثین کے نام آئے ہیں ، جو سوشل میڈیا پر متحرک ہیں ، عالم عرب میں علوم حدیث کے تعلق سے بحث و مباحثہ کی فضا سے مطلع رہنے کے لیے ان ناموں کو نوٹ کیا جاسکتا ہے ۔
    6۔ کتاب کا موضوع ’ منہج نقد روایات ‘ ہے ، کتاب کے مطالعہ سے اس فن کا پس منظر پیش منظر سمجھنے میں مدد ملتی ہے ، اور بہت سارے تصورات اور علمی آفاق کھلتے محسوس ہوتے ہیں ۔ انکار حدیث جیسے فتنوں کا مقابلہ کرنے والے طالبان ِعلم و تحقیق کے مطالعہ میں ایسی کتابیں ہونی چاہییں ، تاکہ انکار حدیث جیسے فتنوں کا رد کرتے کرتے ہم اصل منہج سے نہ پھسل جائیں ، بالکل اسی طرح جیسے منکرین حدیث ملحدین و معترضین کے ڈر سے یہاں تک پہنچ گئے ہیں ۔
    7۔ کتاب کے مطالعہ سے ایک عزم و ہمت پیداہوتاہے ، کہ محدثین کے نقش قدم پر چلنے والے معاصر اہل علم اس دور میں بھی کس قدر محنت کرتے ہیں ، ساڑھے چار سو صفحات پر مشتمل شیخ کی یہ کتاب انہوں نے تقریبا تین چار ماہ میں مرتب کی ہے ، بلکہ لکھتے ہیں ، یہ میری پہلی کتاب ہے، جو میں نے خود کمپیوٹر پر ٹائپ کی ہے ۔ فجزاہ اللہ خیرا۔
    نوٹ :کتاب طبع بھی ہوچکی ہے ، اور انٹرنیٹ پر بھی دستیاب ہے ، لیکن پی ڈی ایف نسخہ براہ راست کمپیوٹر فائل سے بنایا گیا ہے ، مطبوع کتاب کی تصویر نہیں ہے ۔

  4. کتاب کے اختتام میں اہل علم بالخصوص علوم حدیث میں دلچسپی رکھنے والے نوجوانوں کے لیے چند نصیحتیں نقل کی گئی ہیں ، اس تعارفی تحریر کا اختتام بھی انہیں میں سے ایک نصیحت پر کیا جاتا ہے ، شیخ البانی رحمہ اللہ فرماتے ہیں :
    ’میری نصیحت ہے کہ ، تصحیح و تضعیف کے حوالے سے لکھنے والے ، تحمل سے کام لیں ، حکم حدیث میں جلدی بازی سے گریز کریں ،اس علم کے اصول و ضوابط ، تراجم ِرواۃ ، اور علل سیکھنے میں ایک طویل عرصہ گزاریں حتی کہ وہ اس علم میں نظریاتی اور تطبیقی دونوں طرح مہارت محسوس کریں ، اور ان کی تحقیقات ذہبی ، زیلعی ، عسقلانی جیسے اس فن کے نمایاں حفاظ کے قریب قریب ہوں ۔ طالبان علوم حدیث کو میری یہ نصیحت ہے تاکہ ہم آیت ’ لا تقف ما لیس لک بہ علم ‘ کے مصداق نہ بنیں ، اور ہمارا حال ’ تزبب قبل أن یتحصرم ‘ ( انگور بننےسے پہلے منقی ہونے کا دعوی کرنا)والا نہ ہو ، اور ہم ’ من استعجل الشیء قبل أوانہ ، ابتلی بحرمانہ ‘ (کسی چیز کی قبل از وقت حصول کی کوشش اس سے محرومی کا سبب بن جاتی ہے) کا شکار نہ ہوجائیں ۔ ساتھ ہمیں یہ قول بھی یاد رہنا چاہیے کہ نبی کریم صلی اللہ علیہ وسلم کے علاوہ کوئی بھی معصوم عن الخطا نہیں ہے ، ہر ایک کی بات اختیار بھی کی جاسکتی ہے ، چھوڑی بھی جاسکتی ہے ۔‘ ( السلسلۃ الضعیفۃ : 4 /8 )۔

    ختم شد​

About the author

ایڈمن

Add Comment

Click here to post a comment

Calendar

June 2019
S S M T W T F
« Mar    
1234567
891011121314
15161718192021
22232425262728
2930  

RSS Meks Blog

  • The future of WordPress and Gutenberg Editor – Matt’s talk at WordCamp Europe 2019 June 22, 2019
    What seems to be the future of WordPress and Gutenberg Editor? These are the topics Matt covered in his summer state of WordPress at WCEU in Berlin and all the great things coming ahead. The post The future of WordPress and Gutenberg Editor – Matt’s talk at WordCamp Europe 2019 appeared first on Meks.
    Ivana Cirkovic
  • How to easily add Google Fonts to your WordPress website June 19, 2019
    Do you want to add Google fonts to your WordPress website? Here’s how you can freshen up your web place and make it faster, trendy and more appealing. The post How to easily add Google Fonts to your WordPress website appeared first on Meks.
    Ivana Cirkovic
  • Using Google Trends for market research to leverage your content creation ideas June 12, 2019
    Did you know you can use Google Trends for market research and target your customer needs, tailor content strategy, in a much better way? The post Using Google Trends for market research to leverage your content creation ideas appeared first on Meks.
    Ivana Cirkovic
  • How WordPress can help you to build and increase brand awareness June 6, 2019
    How can you build and improve brand awareness with WordPress and what steps are needed in that strategy? The post How WordPress can help you to build and increase brand awareness appeared first on Meks.
    Ivana Cirkovic
  • Starting a photography blog: The secrets successful photo bloggers won’t tell you May 30, 2019
    Is starting a photography blog the next step for your personal branding and getting out there with your work? Sure is! And here’s how you can do it! The post Starting a photography blog: The secrets successful photo bloggers won’t tell you appeared first on Meks.
    Ivana Cirkovic
  • 5+ best forum plugins for WordPress to build a loyal community in 2019 May 22, 2019
    Looking for the best forum plugin for WordPress to build a community and keep them engaged? Let us save you the time and choose among these 6 we recommend. The post 5+ best forum plugins for WordPress to build a loyal community in 2019 appeared first on Meks.
    Ivana Cirkovic
  • Easily setup Facebook instant articles for your WordPress website (plus tips & tricks ) May 16, 2019
    In case you still haven’t set up Facebook Instant Articles for your WordPress blog or site, here’s why we recommend you to do it. The post Easily setup Facebook instant articles for your WordPress website (plus tips & tricks ) appeared first on Meks.
    Ivana Cirkovic
  • 8 things people usually miss before starting a blog May 8, 2019
    Have you ever wondered what things need to be done before starting a blog or do you think it’s just writing and not much else? Boy, are you in for a surprise! The post 8 things people usually miss before starting a blog appeared first on Meks.
    Ivana Cirkovic
  • WordPress RSS feed plugin – 7 recommendations 2019 edition May 1, 2019
    Wondering whether you need a WordPress RSS feed plugin or not? Let us show you what beautiful things you can make with it! The one thing people nowadays tend to say is that emails and RSS feeds are dead. A fact that couldn’t be more from the actual truth. Knowing that we live in a […]
    Ivana Cirkovic
  • How to make money as a travel blogger (10 tips you can start using today) April 23, 2019
    Have you ever wondered how to make money as a travel blogger, especially when you see how many are out there doing it? Here are at least ten ways you can, too! The post How to make money as a travel blogger (10 tips you can start using today) appeared first on Meks.
    Ivana Cirkovic

Text

Distinctively utilize long-term high-impact total linkage whereas high-payoff experiences. Appropriately communicate 24/365.

تعاون کریں

سارے کام اللہ تعالی کی توفیق و نصرت سے ہی ہوتے ہیں الحمدللہ اخلاص سے بنائے ہوئے تمام منصوبے اللہ تعالی مکمل کرتے ہیں ۔آپ بھی صدقات ،خیرات اور اپنے مال کے ذریعے جامعہ کے ساتھ تعاون کریں ۔جامعہ کے ساتھ تعاون بھیجنے کے لیے درج ذیل طریقے اختیار کرنا ممکن ہیں

تعاون بذریعہ موبی کیش ۔اکاونٹ03024056187
تعاون بذریعہ ایزی پیسہ 03024056187۔شناختی کارڈ:3510229087223
تعاون بذریعہ پے پال کریڈٹ کارڈز ہولڈرز، بیرون ملک مقیم اور پے پال اکاؤنٹ رکھنے والے حضرات اب پے پال کے ذریعے سے بھی ہمیں ڈونیشن بھیج سکتے ہیں۔ https:paypal.me/hahmad674
تعاون بذریعہ ویسٹرن یونین: محمدابراہیم بن بشیر احمد 03024056187۔شناختی کارڈ:3510229087223
’’مَّن ذَا الَّذِي يُقْرِ‌ضُ اللَّهَ قَرْ‌ضًا حَسَنًا فَيُضَاعِفَهُ لَهُ أَضْعَافًا كَثِيرَ‌ةً ۚ وَاللَّهُ يَقْبِضُ وَيَبْسُطُ وَإِلَيْهِ تُرْ‌جَعُونَ‘
“ایسا بھی کوئی ہے جو اللہ تعالیٰ کو اچھا قرض دے پس اللہ تعالیٰ اسے بہت بڑھا چڑھا کر عطا فرمائے، اللہ ہی تنگی اور کشادگی کرتا ہے اور تم سب اسی کی طرف لوٹائے جاؤ گے “

مَّثَلُ ٱلَّذِينَ يُنفِقُونَ أَموَٲلَهُمۡ فِى سَبِيلِ ٱللَّهِ كَمَثَلِ حَبَّةٍ أَنۢبَتَتۡ سَبعَ سَنَابِلَ فِى كُلِّ سُنبُلَةٍ۬ مِّاْئَةُ حَبَّة وَٱللَّهُ يُضَعِفُ لِمَن يَشَآءُ‌ۗ وَٱللَّهُ وَٲسِعٌ عَلِيمٌ ( سُوۡرَةُ البَقَرَة۔٢٦١ )
’’ جولوگ اپنے مال اللہ کی راہ میں ڈرف کرتے ہیں، اُن کے خرچ کی مثال ایسی ہے جیسے ایک دانہ بویا جائے اور اس سے سات بالیں نکلیں اور ہر بال میں سَو دانے ہوں۔اسی طرح اللہ جس کے عمل کو چاہتے ہیں، افزونی عطا فرماتے ہیں۔اور الله تعالیٰ بڑی وسعت والے ہیں، جاننے والے ہیں۔ ‘‘

WhatsApp chat